தெரிந்த, தெரியாத உலகங்களை இணைத்தல் : எதிர்பார்ப்புடன் பிரார்த்தனை செய்யலாமா?

பிரார்த்தனை செய்யும்போது கீழ்க்கண்டவற்றை ஒரு நியமமாக மனதில் பதிய வைக்க வேண்டும் :

பிரார்த்தனை நம் ஐம்புலன்கள், மனம் மற்றும் புத்தியை மேம்படுத்த செய்யப்பட்டால் அது நம் வாழ்க்கைப் பலனை எதிர்பார்க்கும் பிரார்த்தனையாகும்.

ஆத்மாவை அனுபவிக்க@ செய்யப்படும் முயற்சியை  அதிகப்படுத்த செய்யப்படும் பிரார்த்தனையாக இருந்தால் அது அந்த பலனை எதிர்பார்க்காது செய்யப்படும் பிரார்த்தனையாகும்.

ஆன்மீகத்தில் முன்னேற முன்னேற ஒரு சாதகரின் பிரார்த்தனைகள் எவ்வாறு மாறுகிறது ? சில உதாரணங்கள் : 

வாழ்வின் அங்கம்	நம் வாழ்க்கைப் பலனை எதிர்பார்த்து பிரார்த்தனை	@ நம் வாழ்க்கைப் பலனை எதிர்பார்க்காத  பிரார்த்தனை (ஆன்மீக முன்னேற்றத்திற்காக)
வேலை	இறைவா, நான் இப்பொழுது தான் நேர்காணல் முடித்தேன். எனக்கு இந்த வேலை கிடைக்கட்டும். எனக்கு இது மிகவும் தேவை.	இறைவா, நான் இப்பொழுது தான் நேர்காணல் முடித்தேன். இதன் முடிவை உங்களின் திருப்பாதங்களில் சமர்ப்பிக்கிறேன். உங்களிச்சைப்படி எது நடந்தாலும் அதை நான் ஏற்றுக் கொள்ளும் மனப்பக்குவத்தை நீங்கள் தான் அருள வேண்டும்.
வாழ்க்கைத் துணையைத் தேடுதல்	இறைவா, நான் இவரைக் காதலிக்கிறேன். அவரும் என்னை அதே அளவு அல்லது அதற்கு மேலும் விரும்புமாறு செய்வாயாக.	இறைவா, உனக்குத் தான் தெரியும் இவர் எனக்கு உகந்தவரா என்று. என் விதிப்படிதான் எனக்கு வாழ்க்கைத் துணை அமையலாம் அல்லது அமையாமல் போகலாம். ஆனால் என் ஆன்மீக பயிற்சி தொடர்ந்து நடக்க அருள்வாயாக.
நோய்	இறைவா, என்னால் இந்த நோயைத் தாங்க இயலவில்லை. என்னை குணப்படுத்து.	இறைவா, இந்த நோயைத் தாங்கும் சக்தியை எனக்குக் கொடு; அதன் மூலம் என் சிந்தனை சிதறாமல் நான் ஆன்மீக பயிற்சியை தொடர்ந்து செய்ய அருள்வாய்.
தன் குழந்தையின் நோய்	இறைவா, என் குழந்தையைக் காப்பாற்று. நான் எது வேண்டுமானாலும் செய்கிறேன். என் குழந்தை காப்பாற்றப்பட்டால் அடுத்த மாத சம்பளத்தின் பாதியை நான் அநாதை இல்லத்திற்கு கொடுக்கிறேன் !	இறைவா, என் குழந்தையின் நோய் முற்றிய நிலையில் உள்ளது. எங்களின் சக்திக்கு உட்பட்டதெல்லாம் செய்து விட்டோம். என்னைக் காட்டிலும் நீயே அவனை அதிகம் நேசிக்கிறாய். அவனை உன் சரணங்களில் சமர்ப்பிக்கிறேன்.
வாழ்வின் வேதனை நிரம்பிய பகுதி	இறைவா, இதுவே என் வாழ்வின் அதிகபட்ச வேதனை நிரம்பிய பகுதி. இதிலிருந்து என்னைக் காப்பாற்று.	இறைவா, இதைத் தாங்கிக் கொள்ளும் சக்தியைக் கொடு. ஆன்மீக நிலையில் இதிலிருந்து நான் என்ன கற்றுக் கொள்ள முடியுமோ அதைக் கற்க செய். என் ஆன்மீக பயிற்சி தடையில்லாமல் நடக்கட்டும்.
வாழ்வின் இன்பம்  நிரம்பிய பகுதி	பொதுவாக இல்லை.	இறைவா, தயவுசெய்து இன்பத்திலும் உன்னை நினைத்திருக்க செய். உன்னருளால் இது எனக்கு கிடைத்துள்ளது. துன்பத்தில் எவ்வாறு உன்னை எண்ணி ஏங்குகிறேனோ அதேபோல் இன்பத்திலும் உன்னை எண்ணி இருக்கும்படி செய்.
ஆன்மீக பயிற்சி	பொதுவாக இல்லை.	இறைவா, ஆன்மீக பயிற்சியைத் தொடர இன்னொரு நாள் கொடுத்தமைக்கு உனக்கு என் நன்றி. உன்னிச்சைப்படி நான் உனக்கு சேவை செய்ய வேண்டும். என் ஆன்மீக பயிற்சியை அதிகப்படுத்தும் திறனை எனக்கு நீ தந்தருள்வாயாக.

https://www.spiritualresearchfoundation.org/spiritual-practice/prayer/pray-with-expectation/

saran2sai